ბადრი ბასიშვილი, გივი თარგამაძე, შოთა უტიაშვილი, ზურაბ ადეიშვილი, ბაჩო ახალაია – ეს ის ადამიანები არიან, ვინც ჩაიდინა სანდრო გირგვლიანი, ბუტა რობაქიძე, ასობით ახალგაზრდა ჩახოცა ქუჩაში, ვინც შევარდა ტვ იმედში, ვინც ქონებებს ართმევდა, აუპატიურებდა – ამის შესახებ „ხალხის ძალის“ წევრმა მიხეილ ყაველაშვილმა ჟურნალისტებს განუცხადა.
მისი თქმით, რადიკალური ოპოზიცია ახალგაზრდებში ამ ადამიანების რომანტიზებას ახდენს.
„ბადრი ბასიშვილი, გივი თარგამაძე, შოთა უტიაშვილი, ზურაბ ადეიშვილი, ბაჩო ახალაია – ყველაზე მეტად მწამებელი, ახალგაზრდებს მინდა ვუთხრა, ეს ის ადამიანები არიან, ვინც ჩაიდინა სანდრო გირგვლიანი, რობაქიძე, ასობით ახალგაზრდა ჩახოცა ქუჩაში, ვინც შევარდა ტვ იმედში, გამოათრია და ძირს ათრია ახლა ტვ პირველის ჟურნალისტები დიანა ტრაპაიძე და ინგა გრიგოლია, ეს ის ადამიანები არიან, ვინც ქონებებს ართმევდნენ, აუპატიურებდნენ“- განაცხადა მიხეილ ყაველაშვილმა.
ამასთან, მისი თქმით, სალომე ზურაბიშვილი პირდაპირ გადასულია „ნაცმოძრაობის“ რიგებში.
“თითქმის ორი წელია ვსაუბრობთ, რომ სალომე ზურაბიშვილი პირდაპირ არის გადასული „ნაცმოძრაობის“ რიგებში. ეს არის კოლექტიური ნაცმოძრაობა. გუშინ ერთად იდგნენ „ლელოც“, სალომე ზურაბიშვილიც, გახარიაც, ამას ვგულისხმობდით, რომ ესენი არიან ერთი ძალა, რომლებიც არიან „გლობალური ომის პარტიის“ წარმომადგენლები და ესენი მართავენ სიტუაციას“ – განაცხადა მიხეილ ყაველაშვილმა.