IMG.GE IMG.GE

ევროპარლამენტარი ვიოლა ფონ კრამონი საქართველოს საკონსტიტუციო ცვლილებების დამტკიცებას ულოცავს.

როგორც ევროპარლამენტარი მიკრობლოგ „ტვიტერზე“ წერს, სამწუხაროა, რომ „ყველამ არ მიიღო მონაწილეობა კენჭისყრაში“.

„ვულოცავ საქართველოს საკონსტიტუციო ცვლილებების დამტკიცებას! სამწუხაროა, რომ ყველამ არ მიიღო მონაწილეობა კენჭისყრაში. ამ მიღწევამ ოქტომბერში დაგეგმილი არჩევნები უფრო დემოკრატიული და სამართლიანი უნდა გახადოს.

და მაინც, დემოკრატიული ტრანზიციისთვის რჩევა იქნება, ყველა პარტიის ძალისხმევის გაგრძელება“, – წერს ევროპარლამენტარი „ტვიტერზე“.

შეგახსენებთ, რომ 117 ხმით საქართველოს პარლამენტმა საარჩევნო სისტემის შეცვლის მიზნით მომზადებული საკონსტიტუციო ცვლილებები დაამტკიცა. წინააღმდეგ ხმა მისცა სამმა დეპუტატმა – ბიძინა გეგიძემ, კახა ოქრიაშვილმა და ალექსანდრე ერქვანიამ.

კენჭისყრაში მონაწილეობა არ მიუღიათ „ნაციონალურ მოძრაობას“ და „ევროპულ საქართველოს“.

 

კომენტარის დატოვება
IMG.GE
გაზიარება