მოხარულები ვართ გაცნობოთ, რომ „ხელვაჩაურის სარაგბო კლუბი “შტურმი”, უკვე ჩვენი საზოგადოების აქტიური ნაწილია! 2024 წელს დაარსებული „შტურმი“ სწრაფად იქცა გუნდური მუშაობის, თავდადებისა და სპორტულობის სიმბოლოდ.”- ამის შესახებ ხელვაჩაურის მერი ზაზა დიასამიძე წერს სოციალურ ქსელში.
“აი, რა ხდის „შტურმს“ განსაკუთრებულს:
ამჟამად კლუბი შედგება ოთხი გუნდისაგან: ბიჭების სამი გუნდით სხვადასხვა ასაკობრივ ჯგუფში და გოგონების ერთ გუნდთან ერთად, ჩვენ ვავითარებთ ნიჭს რაგბის მიმართ.
კლუბში მოღვაწეობს 80 აღსაზრდელი. ჩვენი სპორტსმენები ვარჯიშობენ და იუმჯობესებენ თავიანთ უნარებს, როგორც ღია, ასევე დახურულ სპორტულ მოედნებზე.
კლუბი აღჭურვილია უახლესი სპორტული ინვენტარითა და თანამედროვე სპორტული ფორმებით.
პროექტის “შეუერთდი რაგბის” ფარგლებში, მუნიციპალიტეტის საჯარო სკოლებში ახალგაზრდების სპორტით დაინტერესებისა და ჩართვის მიზნით აქტიურად ტარდება საინფორმაციო შეხვედრები.
იყავი ჩვენი წარმატების ნაწილი. მოთამაშე ხარ, მხარდამჭერი თუ მაყურებელი, შენთვის არის ადგილი “შტურმში”. ავაშენოთ უფრო ჯანსაღი და ძლიერი ხელვაჩაური”– წერს ზაზა დიასამიძე.
About the Author
