„ეს მისაღები იყო მაშინაც [შარშან], მაგრამ მაშინ კანონი არავინ წაიკითხა, არავინ მას არ ჩახედა და თავიდანვე მონათლეს, როგორც „რუსული კანონი“, – ამის შესახებ პარტია „ხალხის ძალის“ რეგიონულმა მდივანმა, ვიქტორ ჯაფარიძემ „უცხოური გავლენის გამჭვირვალობის შესახებ“ კანონპროექტზე საუბრისას ჟურნალისტებს განუცხადა.
მისი თქმით, ამ კანონის მიხედვით, საზოგადოებას გამჭვირვალედ უნდა აჩვენონ თუ რას ხმარდება ესა თუ ის თანხა.
„თუ საფრანგეთმა პირველი მოსმენით, 171 ხმით, მიიღო, ჩვენ რატომ არ უნდა მივიღოთ ეს კანონი, გამაგებინეთ. რატომ არ უნდათ გამჭვირვალობა?! ყოველდღე საუბრობენ, თითქოს კორუფციაა, ვიღაცა რაღაცას მალავს. დადგნენ და გამჭვირვალედ აჩვენონ საზოგადოებას, ესა თუ ის თანხა რას ხმარდება.
სანქცია რა არის? ფულადი ჯარიმის გარდა, სხვა სანქცია ხომ არ არის?! – ეს მისაღები იყო მაშინაც [შარშან], მაგრამ მაშინ კანონი არავინ წაიკითხა, არავინ მას არ ჩახედა და თავიდანვე მონათლეს, როგორც „რუსული კანონი“, – განაცხადა ვიქტორ ჯაფარიძემ.