„ორი კითხვა მაწუხებს ძალიან: რატომ უჩვენა მსაჯმა ლორიას წითელი ბარათი და შარშან მარტში, რას აპროტესტებდა გზააბნეული საზოგადოება?! საფრანგეთის ეროვნულმა ასამბლეამ მხარი დაუჭირა მაკრონის პარტიის ინიციატივას, რომელიც გარე ჩარევასთან საბრძოლველად ლობისტების რეესტრის შექმნას ითვალისწინებს,“ – ამის შესახებ პარტია „ხალხის ძალის” წევრი, ზურაბ ქადაგიძე სოციალურ ქსელში წერს.
მისი თქმით, მთელი ევროპა თანხმდება, რომ ასეთი გამჭვირვალობის აქტები სასიცოცხლოდ აუცილებელია საზოგადოების უსაფრთხოებისთვის, შესაბამისად, საქართველოს მასშტაბის და გეოპოლიტიკური მდგომარეობის მქონე ქვეყანას უფრო მეტად სჭირდება მსგავსი კანონები.
“ორი კითხვა მაწუხებს ძალიან: – რატომ უჩვენა მსაჯმა ლორიას წითელი ბარათი და შარშან მარტში, რას აპროტესტებდა გზააბნეული საზოგადოება?! საფრანგეთის ეროვნულმა ასამბლეამ მხარი დაუჭირა მაკრონის პარტიის ინიციატივას, რომელიც გარე ჩარევასთან საბრძოლველად ლობისტების რეესტრის შექმნას ითვალისწინებს.
აჰა, საფრანგეთზეც მოახდინა გავლენა კრემლმა და რუსული კანონიც მიაღებინა… ხუმრობა იქით იყოს და მთელი ევროპა თანხმდება, რომ ასეთი გამჭვირვალობის აქტები სასიცოცხლოდ აუცილებელია საზოგადოების უსაფრთხოებისთვის. შესაბამისად, ჩვენი მასშტაბისა და გეოპოლიტიკური მდგომარეობის მქონე ქვეყანას ხომ უფრო მეტად ესაჭიროება?! საჭიროების აუცილებლობასაც, რომ დავანებოთ თავი ევროკავშირთან კანონმდებლობის ჰარმონიზაცია უნდა მოვახდინოთ. დღეს თუ ხვალ აუცილებლად მოგვთხოვს ევროკავშირი კანონს გამჭვირვალობის შესახებ და როგორ მოვიქცეთ – საფრანგეთის, ჩეხეთის და ზოგადად ევროკავშირის კანონმდებლობა გავიაზროთ თუ სამნიძის, კორძაიას და ნაცვლიშვილის კოლაბორაციულ შეგონებებს დავჯერდეთ?!” – წერს ქადაგიძე.