“როცა ადამიანის უფლებათა დაცვის კომისარი ხარ, როგორც მინიმუმ საბჭოთა კომისარს არ უნდა დაემგვანო. ჯერ ერთი საკითხში უნდა ერკვეოდე, მერე რაღაც ფაქტები უნდა გქონდეს, მერე უნდა გააკეთო შეფასებებიც და დასკვნები, და ბოლოს იმაზეც უნდა დაფიქრდე რომ არავის არ დაუყენებიხარ იმის განმსაზღვრელად დემოკრატიულ საზოგადოებაში რისი ადგილი არის ან არ არის”.- ასე გამოეხმაურა ექსპერტი ლევან ნიკოლეიშვილი ევროპის საბჭოს ადამიანის უფლებათა კომისრის განცხადებას, რომლის თქმითაც, “ქართული ოცნების” მხრიდან პოლიტიკური მანიპულაციების, LGBTI ხალხისა და უფლებადამცველების შევიწროვების ადგილი დემოკრატიულ საზოგადოებაში არ არის”.
ექსპერტის თქმით, ევროსაბჭოს ადამიანის უფლებათა კომისარი, საბჭოთა კომისრებს არ უნდა დაემგვანოს, აი იმ კომისრებს, რომლებიც ვიღაცების დასმენის საფუძველზე, ფაქტების შემოწმების გარეშე, დასკვნებსაც აკეთებდნენ და განაჩენიც გამოჰქონდათ.
“როცა ქალბატონი კომისარი ხარ, თან ადამიანის უფლებათა დაცვის კომისარი, როგორც მინიმუმ საბჭოთა კომისარს არ უნდა დაემგვანო. ჯერ ერთი საკითხში უნდა ერკვეოდე, მერე რაღაც ფაქტები უნდა გქონდეს, მერე უნდა გააკეთო შეფასებებიც და დასკვნები, და ბოლოს იმაზეც უნდა დაფიქრდე რომ არავის არ დაუყენებიხარ იმის განმსაზღვრელად დემოკრატიულ საზოგადოებაში რისი ადგილი არის ან არ არის. ახლა კი ყველაზე მთავარი რას ეძახის პოლიტიკურ მანიპულაციას ქალბატონი კომისარი: იმას ხომ არა, რომ „ქართული ოცნება“ ამომრჩეველთა უმრავლესობის მიერ არჩეული მმართველი პარტია აყენებს საკანონმდებლო ინიციატივას „ოჯახურ ღირებულებათა და არასრულწლოვანთა დაცვის შესახებ საქართველოს კონსტიტუციური კანონს”. ვფიქრობთ, არ იცის თუ ვერ ხვდება ქალბატონი კომისარი, რომ ეს ინიციატივა იმ ღირებულებების დაცვის აუცილებლობა წარმოშვა რაც აწუხებს ამ ქვეყნის მოქალაქეების დიდ უმრავლესობას, ხოლო რაც შეეხება LGBT თემის შევიწროების მისეულ ვერსიას, უმჯობესი იქნებოდა რაიმე კონკრეტული ფაქტები წარმოედგინა, წინააღმდეგ შემთხვევაში უფლებას ვიტოვებთ ვივარაუდოთ, რომ შევიწროებაში პროპაგანდა იგულისხმება, რაც ყოვლად მიუღებელია ჩვენი კულტურისა და ტრადიციებისათვის. არც საქართველოს ისტორიის გადახედვა იქნებოდა მისთვის ცუდი, მინიმუმ იმის გასარკვევად თუ რა დონეზეა ჩვენთან ტოლერანტობა და ადამიანების პატივისცემა საუკუნეების განმავლობაში. თავშივე ვთქვი ევროსაბჭოს ადამიანის უფლებათა კომისარი, საბჭოთა კომისრებს არ უნდა დაემგვანოს, აი იმ კომისრებს, რომლებიც ვიღაცების დასმენის საფუძველზე, ფაქტების შემოწმების გარეშე, დასკვნებსაც აკეთებდნენ და განაჩენიც გამოჰქონდათ!”- წერს ლევან ნიკოლეიშვილი.