სააკაშვილის ფანტაზიები ყველა ზღვარს გასცდა. მას შემდეგ რაც ჩავარდა გავრცელებული ჭორები, რომ მას კლავდნენ, რომ ოსური სპეცრაზმი აპირებდა კლინიკაში შეჭრას და გაურკვეველი ავტომანქანით ასხივებდნენ, ამჯერად ფანტაზიას კვლავ მისცა გზა ფართო და დაწერა, რომ პუტინმა, საგანგებოდ გამოუშვა ციხიდან ე.წ კანონიერი ქურდი შაქრო კალაშოვი და მისი მარჯვენა ხელი, რათა 2024 წლის ოქტომბრის არჩევნებისთვის ჩამოვიდნენ საქართველოში და მას გამარჯვების საშუალება არ მისცენ.
“რუსულმა ,,ეფესბემ” კალაშოვთან ერთად მისი მარჯვენა ხელი, კანონიერი ქურდი, ბადრი კუბლაშვილიც გამოაშვებინა, რაც საბოლოოდ ადასტურებს იმას, რომ მათი მომავალი დავალება სწორედ საქართველოს არჩევნებია. უნდა ველოდოთ რაფალიანცის ტიპის პროვოკაციებსა და “შავების” აქამდე არნახულ მობილიზებას.
ივანიშვილი აგებს არჩევნებს და ეს ყველაზე კარგად მისმა კურატორებმა იციან. რისი ეშინია შავ სამყაროს? – ამომრჩევლის მასობრივი გამოცხადების, ამიტომ ამჯერად არჩევნებში მონაწილეობის ყველა რეკორდი უნდა მოვხსნათ.”– წერს სააკაშვილი.
