ნიკა გვარამიას თქმით, ნიკა მელიას მას ჰქონდა ინფორმაცია რომ “ქოცი” იყო, თუმცა, მაინც დანიშნა თანამდებობაზე – საუბარია პერიოდზე, როდესაც ნიკა მელია აღსრულების ეროვნულ ბიუროში მუშაობდა და ხელისუფლებაში ნაციონალური მოძრაობა იყო.
როგორც გვარამიამ ტვ “პირველი”-ს გადაცემა “რეაქცია”-ში განაცხადა, მელიაზე მას ჰქონდა “ოდეერის” დასკვნა, რომ მონაწილეობას იღებდა ოპოზიციის აქციებში და არ შეიძლებოდა მისი დანიშვნა თანამდებობაზე.
“დავნიშნე იმის მიუხედავად, რომ ოდეერის დასკვნა მქონდა, რომ ქოცია – იდგა აქციაზე სალომე ზურაბიშვილის, არ მისცა ხმა პარტიას და არ დაინიშნოს – რეკომენდაცია. იმ დღის ბოლომდე დანიშნული იყო, უნდა მიცნობდე და არ უნდა მითხრა, სულ რომ დასანიშნი არ ყოფილიყო, წინააღმდეგობის სული მაქვს. კარგი ფუნქციონერი იყო, იქ, სადაც დაინიშნა. ეს ხომ უნდა დამთავრდეს. მაშინ შესაძლებელი იყო მაინც, რომ მინისტრს არ გაეთვალისწინებინა და დაენიშნა, აბა, ახლა დანიშნოს რომელიმე მინისტრმა ოდეერის ამ დასკვნის მერე ვინმე, ან უნდა დამთავრდეს,“ – ამბობს ნიკა გვარამია.