ფართოდ გაჟღერებული ევროპული ღირებულებების უამრავი წყლული წარმოაჩინა თანამედროვეობამ. ზოგჯერ იქმნება ისეთი შთაბეჭდილება, რომ ევროკავშირში ღირებულებათა გადაფასების ისეთი პროცესი მიმდინარეობს, როგორც ეს იყო გასული საუკუნის 1980-იანი წლების საბჭოთა კავშირში – ასე ეხმიანება ექსპერტი ედიშერ გვენეტაძე პრემიერ-მინისტრ ირაკლი კობახიძის განცხადებას იმის შესახებ, რომ უმძიმეს დანაშაულებში მსჯავრდადებული ადამიანების თავისუფლად გადაადგილება ევროპის ქვეყნებში, საზოგადოებაში აჩენს კითხვებს, რამდენად არის ევროპული ბიუროკრატია სამართლებრივი სახელმწიფოს პრინციპის ერთგული.
როგორც გვენეტაძე აღნიშნავს, საერთაშორისო დონის კრიმინალების მფარველობა, მექრთამეობის ისეთი მაგალითები, როგორიც “კატარგეითი” იყო, საზოგადოებაში ევროპული ღირებულებების ნიველირებას უწყობს ხელს.
“ფართოდ გაჟღერებული ევროპული ღირებულებების უამრავი წყლული წარმოაჩინა თანამედროვეობამ. ზოგჯერ იქმნება ისეთი შთაბეჭდილება, რომ ევროკავშირში ღირებულებათა გადაფასების ისეთი პროცესი მიმდინარეობს, როგორც ეს იყო გასული საუკუნის 1980-იანი წლების საბჭოთა კავშირში.
ასე მაგალითად – პოლიტიკის და კორუფციის ანუ დაკანონებული ლობიზმის შერწყმა ერთმანეთთან, თეთრის შავად წარმოდგენა და შავის თეთრად და ამის ნიადაგზე ადამიანებისათვის თვალებში ნაცრის შეყრა, საერთაშორისო დონის კრიმინალების უაპელაციოდ პატრონობა და მფარველობა, არნახული მასშტაბების მექრთამეობა (ე.წ. კატარგეიტი მსოფლიო ჩემპიონატზე ფეხბურთში), პოსტსაბჭოთა ქვეყნების შინაურ საქმეებში უპრეცედენტო მასშტაბებით ჩარევა და ისეთ დამნაშავე, ვაი-პოლიტიკოსებზე საკუთარი მერკანტილური ინტერესებიდან გამომდინარე შეფობა, როგორებიცაა: სააკაშვილი, ზელენსკი, ადეიშვილი, ლორთქიფანიძე… რაც საბოლოო ჯამში, სამწუხაროდ ადამიანებში იწვევს ფართოდ რეკლამირებული ევროპული ღირებულებების ნიველირებას!” – წერს ედიშერ გვენეტაძე Facebook-ზე.