„ხალხის ძალის“ წევრი, დეპუტატი ეკა სეფაშვილი ბუნდესტაგში საქართველოს ყოფილი გენერალური პროკურორის, ზურაბ ადეიშვილის გამოჩენას გამოეხმაურა.
როგორც ეკა სეფაშვილმა აღნიშნა, აღმაშფოთებელია, რომ საქართველოში სასტიკი რეჟიმის ერთ-ერთი შემქმნელი ევროპაში სამართლებრივ საკითხებზე მომუშავე სტრუქტურებთან თანამშრომლობს.
„აღმაშფოთებელია სწორედ ის ფაქტი, რომ ადეიშვილი, რომელიც საქართველოში სასტიკი და ადამიანის უფლებების შემლახველი რეჟიმის ერთ-ერთი შემოქმედი და მაღალჩინოსანი იყო, მონაწილეობს იმ დელეგაციებთან შეხვედრაში, რომლებიც სამართლებრივი სისტემის რეფორმირებასა და ადამიანის უფლებების დაცვაზე მსჯელობენ. ძალიან კარგია, რომ ჩვენი მხრიდან მისი საქართველოში ექსტრადირებაა მოთხოვნილი“, – განაცხადა ეკა სეფაშვილმა.