ინფორმაციას ამის შესახებ, ფინეთის პრეზიდენტის საული ნიინისტეს პრესსამსახური ავრცელებს. როგორც განცხადებაშია აღნიშნული, სატელეფონო საუბრის დროს ფინეთის პრეზიდენტმა პუტინს უთხრა, რომ ის განაცხადს ნატო-ში გაწევრიანების შესახებ დღეს შეიტანს.
ბოლო თვეების განმავლობაში, რუსეთის ქმედებებმა ფინეთის შეშფოთება გამოიწვია და გაზარდა მოთხოვნა საკუთარ უსაფრთხოებასთან დაკავშირებით, რის გამოც ნატოში გაწევრიანების პროცედურის დაწყების გადაწყვეტილება მივიღეთ.
“ამის შესახებ მე ჯერ კიდევ 2012 წელს ვესაუბრე პუტინს და მაშინვე ვუთხარი, რომ არ იყო გამორიცხული, მიმეღო ასეთი გადაწყვეტილება, რადგან ყველა ქვეყანას აქვს უფლება თავად გადაწყვიტოს საკუთარი უსაფრთხოების საკითხები.
საუბარმა მშვიდ და კორექტულ გარემოში ჩაიარა და არანაირი გართულება არ მოყოლია. სატელეფონო საუბარი ფინეთის ინიციატივით შედგა” – ნათქვამია განცხადებაში.