„ამერიკის შეერთებული შტატების სახელმწიფო მდივანმა, ენტონი ბლინკენმა გამოსცა ბრძანება, რომლითაც თანამშრომლებს მოუწოდა, თავი შეიკავონ ისეთი სიტყვების გამოყენებისგან, როგორებიცაა: „დედა“ და „მამა“, „ვაჟიშვილი“ და „ქალიშვილი“, „ცოლი“ და „ქმარი“. ბლინკენის ეს ბრძანება არის დირექტივა მსოფლიოსთვის, რომელიც ზღვარგადასულ ლიბერალიზმში იკარგება. ეს დირექტივა მოაღწევს ჩვენამდეც და ამას ქართველი ლიბერალებიც აიტაცებენ,“- ამის შესახებ „ხალხის ძალის“ წევრი თამთა მეგრელიშვილი სოციალურ ქსელში წერს.
როგორც მეგრელიშვილი აღნიშნავს, საქართველოში ამგვარ უზნეობას და უფლებების სახელით უმრავლესობის უუფლებობას არ დაუშვებს სახელისუფლებო გუნდი.
მისივე თქმით, სწორედ ამიტომ, ის მზადაა მიიღოს ამორალურობის პროპაგანდის შესაჩერებლად სამართლებრივი ზომები.
„ამერიკის შეერთებული შტატების სახელმწიფო მდივანმა, ენტონი ბლინკენმა გამოსცა ბრძანება, რომლითაც თანამშრომლებს მოუწოდა, თავი შეიკავონ ისეთი სიტყვების გამოყენებისგან, როგორებიცაა: „დედა“ და „მამა“, „ვაჟიშვილი“ და „ქალიშვილი“, „ცოლი“ და „ქმარი“. ბრძანებაში ნათქვამია, რომ „გენდერი“ სოციალური კონსტრუქციაა და ადამიანის გენდერული იდენტობა შეიძლება არ ემთხვეოდეს სქესს.
ბლინკენის ეს ბრძანება არის დირექტივა მსოფლიოსთვის, რომელიც ზღვარგადასულ ლიბერალიზმში იკარგება. ეს დირექტივა მოაღწევს ჩვენამდეც და ამას ქართველი ლიბერალებიც აიტაცებენ, სწორედ ამიტომაა აუცილებელი ამ საფრთხეებზე საზოგადოებასთან ღია საუბარი და ქმედითი სამართლებრივი ღონისძიებების გატარება. მარაზმია საუბარი იმაზეც, რომ ახალდაბადებული ჩვილები დედის რძის მაგივრად მამაკაცის რძეზე გაზარდონ (რასაც უკვე ბრიტანეთში აკანონებენ). ეს მცდელობა, შეცვალონ უფლის მიერ დადგენილი კანონზომიერება, არის სოციალური სიგიჟე.
ეს არის ხელოვნურად შექმნილი რეალობა, სადაც ბავშვების უფლებებისთვის ადგილი არ რჩება. საქართველოში ამგვარ უზნეობას და უფლებების სახელით უმრავლესობის უუფლებობას არ დაუშვებს სახელისუფლებო გუნდი. სწორედ ამიტომ, ის მზადაა მიიღოს ამორალურობის პროპაგანდის შესაჩერებლად სამართლებრივი ზომები. მინაწერი: ამ საკითხთან დაკავშირებით ოპოზიციის მდუმარება ხაზგასმაა იმაზე, რომ ისინი მხარს უჭერენ ამორალურობის პროპაგანდას და აქაც, ამ ბრძოლაში, ხალხის გვერდით არ დგანან.“– წერს თამთა მეგრელიშვილი.