არაფერი ისე არ აღვივებს ანტიევროპულ და ანტიდასავლურ განწყობებს ქართულ საზოგადოებაში, როგორც მიხეილ სააკაშვილის მოდერნიზაციის სიმბოლოდ წარმოჩენა და შესაღება, – ამის შესახებ საპარლამენტო უმრავლესობის ლიდერმა, მამუკა მდინარაძემ ჟურნალისტებთან განაცხადა.
მისი თქმით, თუკი ვინმე ანტიევროპულ განწყობებს აღვივებს, პირველ რიგში, არიან ის ადამიანები, ვინც მიხეილ სააკაშვილს ასე პოზიტიურ ჭრილში წარმოადგენენ. მდინარაძის შეფასებით, ტყუილზე აგებული პიარ კამპანია აზიანებს ევროპულ განწყობებს საქართველოში.
„თუკი ვინმე ცდილობს, რომ ეს ადამიანი [მიხეილ სააკაშვილი] არის მოდერნიზატორი და ასე შემოგვასაღოს, ქართული საზოგადოება ამას არ მიიღებს. ყველას ვთხოვ, ჩვენ ევროპელ კოლეგებს, თუნდაც მიხეილ სააკაშვილის იმ გულმხურვალე კობისტებს, რომლებიც ახერხებდნენ ხოლმე სადღაც ჩაატიონ ეს დათქმები რომელიღაც რეზოლუციაში და ა.შ. ყველამ გაითვალისწინოს, რომ თუკი ვინმე ანტიევროპულ განწყობებს აღვივებს, პირველ რიგში, ესენი თავად არიან, ვინც მიხეილ სააკაშვილს ასე პოზიტიურად წარმოადგენენ იმიტომ, რომ საქართველომ და მისმა უდიდებულესობა საზოგადოების უმრავლესობამ იცის, რომ ეს იყო მკვლელობის, წამების, გაუპატიურების, ბიზნესის რეკეტის, ღირსების აყრის, სიტყვის თავისუფლების ჩახშობის სიმბოლო და არა მოდერნიზაციის. ტყუილზე აგებული მისი პიარ კამპანია აზიანებს ევროპულ განწყობებს საქართველოში“, – განაცხადა მამუკა მდინარაძემ.
ევროპარლამენტში ორი რეზოლუცია მიიღეს, რომლებშიც საქართველოს ტერიტორიული მთლიანობისა და სუვერენიტეტის მხარდაჭერი მხარდამჭერი განცხადებები შევიდა.
ევროპარტლამენტარი ანა ფოტიგა აცხადებს, რომ რეზოლუციაში მისი მოთხოვნით შევიდა შესწორება, რომელიც მოუწოდებს სალომე ზურაბიშვილს, მიხეილ სააკაშვილი შეიწყალოს.