თუ 10-20 წლის წინ ასე მკაფიოდ არ ჩანდა ამ იდეოლოგიის დამღუპველი სახე, დღეს ეს უკვე აშკარად ჩანს,“ – ასე გამოეხმაურა „ხალხის ძალის“ ერთ-ერთი ლიდერი სოზარ სუბარი ლგბტ პროპაგანდის თემას, რომელიც ბოლო პერიოდში განსაკუთრებით აქტუალური გახდა.
სუბარის თქმით, ამ თემის გააქტიურება მოსალოდნელიც იყო, რადგან ის ლიბერალების მიერ არის თავსმოხვეული და ლიბერალიზმი კი დასაწყისიდანვე შეიქმნა, როგორც რელიგიასა და ეკლესიასთან მებრძოლი იდეოლოგია.
„ძალიან ბევრ ქვეყანაში შვილის აყვანის უფლება უკვე აქვთ ერთი და იმავე სქესის წყვილებს და სადაც ჯერ არ არის, დარწმუნებული ვარ, ძალიან მალე წამყვანი დასავლური ქვეყნების მხრიდან წამოვა ეს მოთხოვნა და შესაძლოა, ევროკავშირში გაწევრიანების ერთ-ერთი წინაპირობაც იყოს.
თუმცა რასაკვირველია, ევროპაში არიან ჯანსაღი, კონსერვატორი ძალები, რომლებიც ამ პოლიტიკას ეწინააღმდეგებიან. არც კლასიკური ლიბერალიზმი გულისხმობდა ლგბტ პროპაგანდას, ეს ლიბერალიზმის ახალი სახეობაა, თუმცა როდესაც ლიბერალიზმზე ვლაპარაკობთ, არ უნდა დაგვავიწყდეს, რომ ლიბერალიზმი თავის დროზე წარმოიშვა, როგორც რელიგიასთან, ეკლესიასთან მებრძოლი იდეოლოგია და ბუნებრივია, რომ ის აქამდე მივიდოდს. ამასთან, თუ 10-20 წლის წინ ასე მკაფიოდ არ ჩანდა ამ იდეოლოგიის დამღუპველი სახე, დღეს ამან უკვე დომინანტი იდეოლოგიის სახე მიიღო.
ამიტომ ჩვენ უნდა ჩავებღაუჭოთ ჩვენს მთავარ იარაღს – ჩვენ სარწმუნოებას, ტრადიციებს და დედა ღვთისმშობლის კურთხეულ მიწას, რომელიც ქართველებს საპატრონებლად მოგვაბარა,“ – განაცხადა სოზარ სუბარმა.