თბილისის მერიის საზოგადოებასთან ურთიერთობის სამსახურის ხელმძღვანელი მანანა თოქმაჯიშვილი, 22 წლის ტაი არაბულის მიმოწერას აქვეყნებს, რომელსაც გულის გადანერგვის ოპერაცია ჩაუტარდა და რაშიც კახა კალაძეს დიდი წვლილი მიუძღვის.
როგორც მანანა თოქმაჯიშვილი განმარტავს, პირად მიმოწერას თავად ტაი არაბულის თხოვნით ასაჯაროვებს.
“ეს ტაია, ალბათ ბევრს ახსოვს 22 წლის ტაი არაბულის ისტორია, რომელსაც გულის გადანერგვის ურთულესი ოპერაცია ჩაუტარდა. სახელმწიფოსთან ერთად, კახა კალაძის მხარდაჭერა, საბედნიეროდ, გადამწყვეტი აღმოჩნდა ტაისთვის.
დღეს ის ბოლომდე გამოსაჯანმრთელებლად გადის მკურნალობას უცხოეთში. ტაიმ მთხოვა, მისი მილოცვა საჯარო გამეხადა, რადგან სიკეთე გადამდებია და მადლიერების გამოხატვა კი ადამიანური ვალდებულება.
ვუერთდები ტაის მილოცვას, სიკეთეს და წარმატებებს ვუსურვებ კახის, ტაის კი მალე დაბრუნებას სამშობლოში სრულიად გამოჯანმრთელებულს.”- წერს მანანა თოქმაჯიშვილი.
