ხელვაჩაურის სასპორტო სკოლის ინიციატივით და აჭარის კონტაქტური კარატეს ფედერაციის მხარდაჭერით, სასპორტო სკოლაში ხელვაჩაურის ღია პირველობა კონტაქტურ კარატეში ჩატარდა.
საერთაშორისო ტურნირი გოგონებსა და ბიჭებში 35 წონით კატეგორიაში გაიმართა და მასში ხუთი ქვეყნის 260-ზე მეტი სპორტსმენი მონაწილეობდა. გამარჯვებული სპორტსმენები ხელვაჩაურის მუნიციპალიტეტის მერის მოადგილეებმა, საკრებულოს წევრებმა, სასპორტო სკოლის დირექტორმა და აჭარის კონტაქტური კარატეს ფედერაციის პრეზიდენტმა თასებით, სიგელებით და მედლებით დააჯილდოვეს.
მსგავსი ტიპის ტურნირების ჩატარების მიზანს, კონტაქტური კარატეს პოპულარიზაცია წარმოადგენს.