IMG.GE ___________________________________ IMG.GE

„დეზინფორმაციაზე აღარ გავჩუმდეთ – დუმილი ასაზრდოებს ბოროტებას!“- ასე ეხმაურება დედაქალაქის მერი კახა კალაძე გავრცელებულ ინფორმაციას იმის შესახებ, თითქოს 19 წლის ფეხბურთელის გიორგი შაქარაშვილის საქმეში ბრალდებულებს ბერა ივანიშვილი მფარველობს.

„რეპერები შენთან რა შუაში არიანო, ოჯახი რატომ შექმენიო, გადამწვარ ამაზონის ტყეს რატომ დაეხმარე, რაში გაინტერესებსო, „ფეისბუქზე“ რატომ წერო, ბოლოს – “ტიკ-ტოკი” რატომ გაქვსო.

რაც „ქართული ოცნება” შეიქმნა, მას მერე სულ უჩიჩხინებენ. არადა, არ უნდა ამ ადამიანს პოლიტიკასთან გაკარება, არის ამ ქვეყნის ჩვეულებრივი მოქალაქე და თავის სიხარულს, ინტერესებს, გულისტკივილს, ცხოვრების საინტერესო მომენტებს გამოხატავს ისე, როგორც უნდა, როგორც ნებისმიერი თქვენგანი.

უბრალოდ, ბევრად უფრო მეტი ტყუილისა და ცილისწამების მსხვერპლია, ვიდრე მისი მეგობრების თუ თანატოლების უმეტესობა. ისე, ტყუილს ლოგიკა რად უნდა, მთავარია ვირუსივით გაავრცელო, მიახველო სახეში ეთერიდან მოსახლეობას და „ხელებიც დამიბანია”.

ბერაზე მინდოდა დამეწერა და ეს სტატუსი ისევ „ფეიკმოღვაწეობაზეა”, ეს სტატუსი ისევ „მთავარ” მატყუარაზეა… საშინელი ტრაგედიაც კი გამოიყენეს საკუთარი მიზნისთვის.

ამორალურია ეს ყველაფერი!

დეზინფორმაციაზე აღარ გავჩუმდეთ – დუმილი ასაზრდოებს ბოროტებას!“ – წერს კალაძე სოციალურ ქსელში.

კომენტარის დატოვება
IMG.GE
გაზიარება