ნიკა გვარამიას განცხადებით, პირველად მის პოლიტიკურ ცხოვრებაში, ის ნაციონალურ მოძრაობას ხმას არ მისცემს.
ამ საკითხზე მან 20 თებერვალს, ტვ პირველის ეთერში, გადაცემა “რეაქცია”-ში ისაუბრა და თქვა, რომ დღევანდელი შემადგენლობიდან და პოლიტიკური ნაბიჯებიდან გამომდინარე მას არაფერი არ მოსწონს ამ პარტიაში და მეტიც, არ აქვს მოლოდინი, რომ არჩევნებზე იმავე რაოდენობის ხმებს მიიღებს, რასაც გასულ წლებში იღებდა,
“ჩემთვის, ნაციონალური მოძრაობის” მთავარი ფაქტორი იყო და არის მიშა სააკაშვილი, მაგრამ მიშას მიღმა რაც ხდება, ამის იქით მე ვერაფერს ვერ ვხედავ, არ არის ეს ჩემთვის საინტერესო. მე მირჩევნია მე თვითონვე გავაკეთო ის, რასაც მივცემ ხმას.
ნაციონალური მოძრაობა ჩემთვის პრობლემატურია იმიტომ, რომ მე მათ ხმას არ მივცემ, პირველად.
ნაციონალურ მოძრაობას ვუსურვებ წარმატებებს, მეეჭვება ეს წარმატებები განსაკუთრებული იყოს, მაგრამ მაინც ვუსურვებ წარმატებებს “– განაცხადა ნიკა გვარამიამ.