IMG.GE IMG.GE ___________________________________ IMG.GE

გერმანიის ელჩს აფინანსებს ივანიშვილის რეჟიმი, მივმართავ გერმანიის მთავრობას, გაიწვიეთ სამარცხვინო ელჩი, – ამის შესახებ  „ლეიბორისტული პარტიის“ ლიდერმა  შალვა ნათელაშვილმა განაცხადა, რითაც გამოეხმაურა  საქართველოში გერმანიის ელჩის, ჰუბერტ ქნირშის გუშინდელ განცხადებას 8 მარტის შეტანხმებასტან დაკავშირებით.

„მიუხედავად იმისა, რომ ევროპა და ამერიკის შეერთებული შტატები ქართველი ხალხის მხარეზეა რუს ოლიგარქთან წინააღმდეგ ბრძოლაში, გერმანიის ფედერაციული რესპუბლიკის ელჩი რჩება მის ლობისტად და კორუმპირებული რეჟიმის ერთადერთ დამცველად. ეს გახლავთ ელჩი, რომელიც ფანჯრიდან უყურებდა ერთი წლის წინ ქართველი ახალგაზრდების დარბევასა და თვალების დათხრას. ხოლო შემდეგ ამართლებდა თვალთხარია გახარიების დანაშაულებრივ მოქმედებას. ეს არის ელჩი, რომელიც ფინანსდება ივანიშვილის რეჟიმისაგან, ისევე, როგორც ადრინდელი საფრანგეთის ელჩი ერიკ ფურნიე, რომელიც გახდა ოფიციალური მილიონერი.

თუმცა, აქვე აღვნიშნავ, რომ გერმანიას აკისრია უდიდესი ვალდებულება, რომ ჩვენ დღემდე არ გვიღებენ ნატო-ში, რის გამოც რუსეთმა გაბედა ომი და ტერიტორიების წართმევა. ეს გახლავთ ერთ-ერთი მთავარი მიზეზი იმისა, რომ დღემდე სათანადო შეფასება არ არის მიცემული ევროპაში საქართველოს 20 პროცენტის ოკუპაციისთვის და კვლავ აგრძელებს ბერლინი რუსეთთან ჩახუტებას. თუ ასე უყვარდა რუსეთი ბერლინს, რაღას ატეხეთ მეორე მსოფლიო ომი და რაღაზე გაგვიწყვიტეთ 400 ათასი საჯიშე ქართველი“, – აცხადებს შალვა ნათელაშვილი.

ცნობისთვის, ჰუბერტ ქნირშმა განაცხადა, რომ გიორგი რურუა 8 მარტის შეთანხმებაში ნახსენები არ არის, რაც  “მკაფიოა და ყველას შეუძლია ამის წაკითხვა“.

კომენტარის დატოვება
IMG.GE
გაზიარება