IMG.GE IMG.GE ___________________________________ IMG.GE

ქვეყანაში 17 ათასი საწოლფონდი გვაქვს, მაგრამ ყველას კოვიდისთვის ვერ გამოვიყენებთ, – ამის შესახებ ჯანდაცვის მინისტრის მოადგილემ, თამარ გაბუნიამ „postvs“- ის ეთერში განაცხადა.

„ჩვენ ვვარაუდობთ რომ კოვიდის მიზნებისთვის დღეს მობილიზებულ 4 ათასამდე საწოლს შესაძლოა დაემატოს ათასი, ორიათასი, იმისდა მიხედვით, თუ რისი საჭიროება იქნება. აქ მთავარია გამოვიყენოთ მიზნობრივად ჰოსპიტალური სექტორი და მივმართოთ სხვა საშუალებებს.

საავადმყოფოში უნდა მოხვდნენ მხოლოდ მძიმე პაციენტები. მძიმე პაციენტი არ არის 10 პროცენტზე მეტი იმ შემთხვევებისა, რომელიც ჩვენ გვექნება ყოველდღიურად და კრიტიკული პაციენტი არ იქნება ერთ პროცენტზე მეტი. ამ გათვლებიდან გამომდინარე ის რესურსი, რომელიც ჩვენ ჰოსპიტალში გვაქვს, მისი მიზნობრივი გამოყენების შემთხვევაში აუცილებლად უპასუხებს ყველა იმ საჭიროებას, რომელიც დადგება მძიმე და კრიტიკული შემთხვევების მართვისთვის, სხვა დანარჩენი იმართება ჰოსპიტალს გარეთ. ეს არის ბინა და სასტუმრო, – აღნიშნა თამარ გაბუნიამ.

გასული დღე-ღამის განმავლობაში ქვეყანაში კორონავირუსი კიდევ 1 872 ადამიანს დაუდასტურდა, 603 პაციენტი კი გამოჯანმრთელდა.

ამ დროისთვის საქართველოში კორონავირუსის 30 303 შემთხვევაა დადასტურებული, გამოჯანმრთელებულთა საერთო რაოდენობაა 11 370, გარდაიცვალა 215 პაციენტი.

კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ – 3 766, კოვიდ-სასტუმროში – 2 268, უცხოეთიდან სამკურნალოდ გადმოყვანილია საქართველოს 41 მოქალაქე.

კომენტარის დატოვება
IMG.GE
გაზიარება