IMG.GE IMG.GE

ქართველი მოკრივე, მსოფლიო ჩემპიონი ავთანდილ ხურციძე, ამბობს, რომ აშშ-ის საპატიმროში შვიდჯერ დაჭრეს, რის გამოც კიდევ  ხუთწლიანი პატიმრობა დაუმატეს. შესაბამისი აუდიოჩანაწერი ხურციძის Facebook-გვერდზე გავრცელდა.

რაზეც მდებენ ბრალს, ის გაკეთებული რომც მქონდეს, ამ ციხეში არ უნდა ვიყო. აქ არიან გამოუსწორებელი პატიმრები. აქ დანით დამჭრეს, შვიდჯერ დამარტყეს დანა, რის გამოც ხუთწლიანი პატიმრობა დამიმატეს. ხალხი გაგიჟებულია. თავზე ნაიარევი მემჩნევა, თავი გადახოტრილი მაქვს და ისე დავდივარ. ათი ნაკერი დამადეს. სპეციალურად გადავიხოტრე, რომ მტკიცებულება ყოფილიყო, რათა ეს ყველაფერი ენახათ. მარცხენა მკლავში დარტყმული დანა, მკერდში დარტყმული დანა. განწირული ვიყავი, მაგრამ ვივაჟკაცე და თავი გადავირჩინე. ამბობენ, საკანში რაც ხდება, იმას ვერ ვაკონტროლებთო, მაგრამ ეს ყველაფერი გარეთ ხდებოდა. ეს საქმე მოვიგე. სასამართლო პროცესზე უნდა წარვდგე, რათა ეს ხუთი წელი მომეხსნას“, – ამბობს ხურციძე.

ქართველი სპორტსმენები ლევან მაყაშვილი და ავთანდილ ხურციძე, აშშ-ში საქართველოს სხვა მოქალაქეებთან ერთად, ე.წ. ქურდულ სამყაროსთან კავშირის, თაღლითობის მომზადებისა და რეკეტში მონაწილეობის ბრალდებით 2017 წლის 8 ივნისს დააკავეს.

2018 წლის ავთანდილ ხურციძეს ნიუ იორკის სასამართლომ 10 წლით პატიმრობა მიუსაჯა.

კომენტარის დატოვება
IMG.GE
გაზიარება