საქართველოს საავიაციო ბაზარზე ავიაკომპანია „ეუროვინგსი“ შემოდის

360
წაკითხვა/ნახვა
IMG.GE

სამოქალაქო ავიაციის სააგენტოს ცნობით, გერმანული დაბალბიუჯეტიანი ავიაკომპანია „ეუროვინგსი“  საქართველოს მიმართულებით რეგულარულ ოპერირებას იწყებს.

მათივე ინფორმაციით, GmbH Lufthansa Group-ში შემავალი ავიაგადამზიდველი ფრენებს დიუსელდორფი – თბილისი – დიუსელდორფის საჰაერო ხაზზე განახორციელებს.

„რეგულარული რეისები მიმდინარე წლის 4 ივლისიდან შემდეგი განრიგით განხორციელდება: დიუსელდორფი – თბილისი – დიუსელდორფი, 4 ივლისიდან ყოველ კვირას, ხოლო 21 ივლისიდან ზაფხულის სანავიგაციო სეზონის ბოლომდე (29 ოქტომბერი) – ყოველ ოთხშაბათს და კვირას.

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მიერ, ავიაკომპანიას რეგულარული საჰაერო მიმოსვლის განხორციელების ნებართვა დღეს, მიმდინარე წლის 4 ივნისს მიენიჭა“, – აცხადებენ სამოქალაქო ავიაციის სააგენტოში.

კომენტარები
რეკლამა ____________ IMG.GE
მოწონება