IMG.GE IMG.GE ___________________________________ IMG.GE

ჩვენ ყველაფერს ვაკეთებთ იმისთვის, რომ მშვიდ გარემოში ჩატარდეს წინასაარჩევნო კამპანია, კენჭისყრის დღე და დათვლის პროცედურები, – ამის შესახებ ტელეკომპანია „იმედის“ გადაცემაში „დღის ქრონიკა“ „ქართული ოცნების“ ისნის რაიონის მაჟორიტარი დეპუტატობის კანდიდატმა, კახა კახიშვილმა განაცხადა.

„2012 წლიდან მოყოლებული, წლიდან წლამდე, „ქართული ოცნება“ ყველაფერს აკეთებს, რომ არჩევნების სტანდარტი იყოს მაღალი და ყოველი არჩევნები წინაზე უკეთესი იყოს. ახლაც ჩვენი მხრიდან არსებობს სურვილი და მზაობა, რომ ეს არჩევნები იყოს უკეთესი, ვიდრე წინა წლებში იყო. ქვეყანას არ აქვს უკან დაბრუნების უფლება, ის წინ უნდა წავიდეს.

ჩვენ პატარა ქვეყანა ვართ, ვხედავთ, რა ხდება ჩვენს გარშემო, ამიტომ აუცილებელია, რომ შევინარჩუნოთ სტაბილურობა, რომელიც მოაქვს სამართალს. ჩვენი სურვილია, ჩატარდეს სამართლიანი არჩევნები მოქმედი კანონის შესაბამისად. იმედს ვიტოვებთ, რომ ამ პასუხისმგებლობას გაიზიარებს ოპოზიციაც, იმიტომ, რომ  სამწუხაროდ, ჩვენ ბევრი წელი გადავაყოლეთ პოლიტიკას.

რაც კი დაგვემართა, ყველაფერი პოლიტიკური პროცესების გამო დაგვემართა. ​ახლა ​ჩვენს შვილებს ნათელი მომავალი და სტაბილური გარემო სჭირდებათ. ჩვენ ყველაფერს ვაკეთებთ იმისთვის, რომ მშვიდ გარემოში ჩატარდეს წინასაარჩევნო კამპანია, კენჭისყრის დღე და დათვლის პროცედურები“, – განაცხადა კახა კახიშვილმა.

კომენტარის დატოვება
IMG.GE
გაზიარება