პრემიერ-მინისტრობის კანდიდატის ინფორმაციით, მთავრობაში მხოლოდ ერთადერთი ცვლილება იქნება, რომელიც თავდაცვის მინისტრის თანამდებობას შეეხება და ეს თავად ჯუანშერ ბურჭულაძის სურვილით ხდება.
ამ საკითხზე ირაკლი ღარიბაშვილმა 1-ლ თებერვალს, ჟურნალისტებთან განაცხადა და თქვა, რომ მან ყველა მინისტრს შესთავაზა თანამდებობაზე დარჩენა და ერთადერთი, ვინც პოლიტიკიდან წასვლისა და სხვა სფეროში მუშაობის სურვილი გამოთქვა, ეს არის ჯუანშერ ბურჭულაძე, შესაბამისად, მის ადგილს ირაკლი ჩიქოვანი დაიკავებს.
“როდესაც საუბარი გვქონდა გუნდში მთავრობის ფორმირებასთან დაკავშირებით, მინდა ხაზი გავუსვა იმას, რომ მთავრობის თითოეულ წევრს, ყველა წევრს შევთავაზე დარჩენა. ერთადერთი, თავდაცვის მინისტრის, ჯუანშერ ბურჭულაძის პოზიცია იყო, რომ მას სურდა პოლიტიკიდან სხვა სფეროში გადანაცვლება, მე პატივს ვცემ მის გადაწყვეტილებას. შესაბამისად, ერთადერთი ცვლილება განხორციელდება საქართველოს მთავრობაში, თავდაცვის მინისტრის თანამდებობაზე წარდგენილი იქნება ირაკლი ჩიქოვანის კანდიდატურა.” – აღნიშნა ირაკლი კობახიძემ.