რა საკითხები განიხილა მმართველმა გუნდმა ამერიკელ სენატორებთან

253
წაკითხვა/ნახვა
რეკლამა -------------------- IMG.GE

ამერიკელ სენატორებთან შეხვედრაზე ჩვენ ვისაუბრეთ 3 ძირითად საკითხზე. ესენია: საქართველოს უსაფრთხოება, საქართველოს ნატოში ინტეგრაცია და ამ გზაზე აშშ-ის უფრო მეტი მხარდაჭერა, ჩართულობა და უფრო მეტი სამხედრო თანამშრომლობა შავ ზღვაზე უსაფრთხოების კონტექსტის გათვალისწინებით, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ბრიფინგზე განაცხადა.

მისი განმარტებით, მმართველმა გუნდმა ამერიკელი სენატორებისგან მიიღო უპირობო მხარდაჭერა იმასთან დაკავშირებით, რომ ისინი გააგრძელებენ საქართველოს მხარდაჭერას ნატოში ინტეგრაციის გზაზე.

„მეორე საკითხი იყო ვაქცინები. როგორც იცით, აშშ აპირებს ვაქცინის 80 მილიონი დოზის გადაცემას და მე გამოვთქვი რწმენა იმასთან დაკავშირებით, რომ საქართველო, როგორც ამერიკის სტრატეგიული პარტნიორი, იქნება იმ პრიორიტეტული ქვეყნების სიაში, რომელიც ვაქცინას მიიღებს. მესამე საკითხი იყო შარლ მიშელის დოკუმენტის შესრულების დინამიკა. შევთანხმდით, რომ ამ ხელშეკრულების ყველა პუნქტის შესრულება მნიშვნელოვანია და ეს წინ წაიყვანს ქვეყანას თავისი დასავლური ინტეგრაციის გზაზე“. – განაცხადა ნიკოლოზ სამხარაძემ.

კომენტარები
რეკლამა
მოწონება