„გამოჩნდა, რომ მავნებელი და ვერაგი „ნაცმოძრაობა” ლობისტური ჯგუფებით ევროპასა და აშშ-ში ებრძვის საკუთარ ქვეყანას“ – გია აბაშიძე

___________________________________

ექსპერტი გია აბაშიძე, კონგრესმენ ბეიკონის განცხადებას სოციალურ ქსელში ეხმაურება:

„კონგრესმენ ბეიკონის განცხადებაზე:

ბატონი ბეიკონი მკაფიოდ გაემიჯნა რესპუბლიკური პარტიის ერთ-ერთი კვლევითი ინსტიტუტის სარეკომენდაციო დოკუმენტში გაკეთებულ აბსურდულ ჩანაწერს ბიძინა ივანიშვილთან დაკავშირებით. მან განაცხადა, რომ ეს აბსურდული ჩანაწერი არც მას და არც სხვა კონგრესმენებს არ გაუკეთებიათ, რომ ეს ტექნიკური ჯგუფის მიერ შეტანილი არასწორი ჩანაწერია.
რა გამოჩნდა? ის, რომ მავნებელი და ვერაგი “ნაციონალური მოძრაობა” საკუთარი ლობისტური ჯგუფებით ევროპასა და აშშ-ში ებრძვის საკუთარ ქვეყანას.
არ გაგიკვირდეთ, რომ ტექნიკური ჯგუფის წევრები იყვნენ “დამოუკიდებელი” ქუთელიები და ბუზიაშვილები.
ამასთან, კონგრესმენმა ბეიკონმა დაადასტურა, რომ საქართველო და აშშ არიან სტრატეგიული პარტნიორები და ორ ქვეყანას შორის საკმაოდ მაღალი დონის ურთიერთობაა, რაც კიდევ უფრო გაღრმავდება.“ – წერს გია აბაშიძე.