ქეთევან დედოფლის გამზირზე წყალსადენის ახალ ქსელზე გადაერთების სამუშაოების გამო, ისნის რაიონის ნაწილს წყალმომარაგება შეეზღუდება

9 მაისს, ქეთევან დედოფლის გამზირის სრული რეაბილიტაციის ფარგლებში წყალსადენის ახალ ქსელზე გადაერთებით სამუშაოები ჩატარდება და წყალმომარაგების სტაბილურობისთვის ასევე დამონტაჟდება ჩაკეტ-მარეგულირებელი ურდულები. სამუშაოების გამო ისნის რაიონის ნაწილს წყალმომარაგება დროებით შეეზღუდება. ინფორმაციას „ჯორჯიან უოთერ ენდ ფაუერი“ ავრცელებს.

„კომპანიის ტექნიკური ჯგუფები გადაუდებელ სამუშაოებს 24-საათიან ინტენსიურ რეჟიმში შეასრულებენ. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 9 მაისს, დილის 10:00 საათიდან 10 მაისის დილის 10:00 საათამდე წყალმომარაგება შეეზღუდება:

ისნის რაიონში: ქეთევან დედოფლის გამზირის ნაწილს, კაჩინსკის ქუჩის ნაწილს, ბოჭორმის, ლუსინიანის, შავ სოფლის, ბოდბის, ისნის, ზახაროვის, არბოშიკის, იალბუზის, პატარძეულის, უჯარმის, დოლაბაურის, მეტეხის, თელავის, ჩეხოვის, ფერიცვალების, ჯორბენაძის, სოლომონ ბრძენის, მაჭრის, მუკუზანის, 300 არაგველის, დუტუ მეგრელის ქუჩებს და ღვინის აღმართს.

„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე, კომპანია მოსახლეობას წყალს ცისტერნებით მიაწვდის“, – აღნიშნულია კომპანიის განცხადებაში.