ძალიან დამწყდა გული, ხატი რომ წააბრძანეს “გადასაკეთებლად.” – წერს მაია ნიკოლეიშვილი სოციალურ ქსელში და ეხმიანება სამების საკათედრო ტაძრიდან, დედა მატრონას იმ ხატის წაბრძანებას, რომელზეც სტალინთან შეხვედრის ეპიზოდიც არის ასახული.
“იქნებ, დაგვითმონ ის ხატი, როგორიც არის, უცვლელად, და ხატწერის თანხებს დავფარავთ, მეგობრები, თანამოაზრეები, უმორჩილესად გთხოვთ. და ახალი ხატი დაწეროს ხატმწერმა, ისეთი, როგორიც კანონიკაში ჯდება და ფერაძესაც მოეწონება.
გთხოვთ, ფერაძის “დაწუნებულს” არ ახლოთ ხელი, დაგვიტოვეთ ამდენი ადამიანის ლოცვააღვლენილი წმინდანის ხატი უცვლელად, ხატის ხელუხლებლობა ძალიან მნიშვნელოვანია ჩვენი რწმენისთვის.
მოგვეცით, გთხოვთ, ეს ხატი… შემინდე, უფალო, მე, ცოდვილს. შეგვეწიე და დაგვეხმარე, წმინდაო მატრონა მოსკოველო”- წერს მაია ნიკოლეიშვილი.