არ ვიცოდი, რომ ირაკლი კობახიძე ჩემი პერსონალური ფოლოვერი (მიმდევარი) ყოფილა ტიკტოკზე. მე ვურჩევდი, რომ გააგრძელოს ჩემი ვიდეოების ყურება, – ასე გამოეხმაურა პარტია „საქართველოსთვის“ წევრი, ანა ბუჩუკური პარტია „ქართული ოცნების“ თავმჯდომარის მიერ სოციალურ ქსელში გაკეთებულ განცხადებას, რომელიც გიორგი გახარიას ეხებოდა.
„არანაირი მნიშვნელობა არ აქვს, რომელი მინიონი გამოვა და რას იტყვის. განსხვავებული ტაქტიკა აქვს ჩვენს გუნდს. კითხვებზე, რომელიც ათასჯერ დასმულა და ათასჯერ პასუხი გაცემულა, როგორც ჩანს, თქვენთვის კვლავ საინტერესოა. კვლავ აქტუალურია გიორგი გახარიას მიმართვა ბიძინა ივანიშვილის მიმართ.
რატომ იმალებიან? რატომ ირჩევენ გზას, რომ იყვნენ ცალმხრივები. თუ ასეთი მართლები არიან, თუ ასეთი ყოჩაღები, ძლიერები არიან, ფეისბუქის საშუალებით რატომ წერს ირაკლი კობახიძე?!“, – განაცხადა ბუჩუკურმა.
პარტია „ქართული ოცნების“ თავმჯდომარემ, ირაკლი კობახიძემ დღეს განაცხადა: „გიორგი გახარიას ვურჩევთ, დებატებზე დიდად ნუ გაიქაჩება, ეტიკტოკოს ბუჩუკურს და ლილუაშვილს, რომლებიც პარლამენტარობანას თამაშის უკანასკნელ თვეებს ითვლიან“.