იაპონიაში მიწისძვრის შედეგად დაღუპულთა რიცხვი 48-მდე გაიზარდა. ამის შესახებ ინფორმაციას „სიენენი“ ავრცელებს.
ყველაზე რთული მდგომარეობა ისიკავას პრეფექტურაშია, სადაც 100-ზე მეტი სახლი დაიწვა, ათობით კი, დანგრეულია.
7.6 მაგნიტუდის სიმძლავრის მიწისძვრა იაპონიის ცენტრალურ ნაწილში პირველ იანვარს მოხდა. ეპიცენტრი ნახევარკუნძულ ნოტოზე დაფიქსირდა. მიწისძვრიდან რამდენიმე წუთში ცუნამის განგაში ჩაირთო, ოკეანის პირას მცხოვრებ მოქალაქეებს ევაკუაციისკენ მოუწოდეს, ცოტა ხანში კი, განგაშის სიგნალი მოიხსნა.