საქართველოს საგარეო საქმეთა მინისტრის ილია დარჩიაშვილის განცხადებით, „ქართული ოცნების“ ხელისუფლება თანმიმდევრულად ახორციელებს იმ პოლიტიკას, რომელიც აახლოებს ქვეყანას ევროპულ ოჯახთან.
„არაერთხელ გვითქვამს და არ დავიღლებით გამეორებით, გვინდა, ხშირად უსმინონ ამას ჩვენმა ოპონენტებმა, სწორედ ჩვენი ხელისუფლების პირობებში, საქართველომ, საქართველოს მოსახლეობამ რეალურად ნახა, რას ნიშნავს ფიზიკურად ევროინტეგრაციის პროცესი და ეს საგარეო პოლიტიკური პრიორიტეტი კონსტიტუციურ ნორმადაც ვაქციეთ. შესაბამისად, ჩვენი ხელისუფლება მთლიანად ფოკუსირებულია, რომ საქართველოს ჰქონდეს კონკრეტული ხელშესახები შედეგები“, – განაცხადა ილია დარჩიაშვილმა.