დღეს, ხელვაჩაურის მუნიციპალიტეტის მერის მოადგილე მირიან კვირიტიძე, აჭარის ა/რ განათლების, კულტურისა და სპორტის მინისტრთან მაია ხაჯიშვილთან ერთად, აჭარის მთავრობის თავმჯდომარის ინიციატივით სოფლად მოსახლეობასთან შეხვედრების ფარგლებში, კირნათში მცხოვრებ მოსახლეობას შეხვდა.
შეხვედრას ესწრებოდნენ აჭარის უმაღლესი საბჭოს მაჟორიტარი დეპუტატი ფრიდონ ფუტკარაძე, საკრებულოს წევრები და ადმინისტრაციული ერთეულის წარმომადგენლები.
მათ ადგილზე მოისმინეს სოფლის საჭიროებები და გაეცნენ ადგილობრივი მოსახლეობის ყოფით პრობლემებს, კომპეტენციის ფარგლებში, იმსჯელეს აღნიშნული პრობლემის მოგვარების გზებზე.