ხელვაჩაურის მუნიციპალიტეტში ადმინისტრაციული შენობის მიმდებარე ტერიტორიაზე, ნაძვის ხის ანთების ცერემონია და საახალწლო ღონისძიება გაიმართა.
მუნიციპალიტეტის მერმა ზაზა დიასამიძემ, მოქალაქეებს დამდეგი 2024 წელი მიულოცა.
მაყურებლის წინაშე წარსდგნენ და საახალწლო განწყობა შექმნეს, როგორც ადგილობრივმა ანსამბლებმა, ,,ათძალი“, ქორეოგრაფიულმა ანსამბლმა ,,კოლხეთი“, სახელოვნებო სკოლის პედაგოგებმა, ანსამბლმა ,,კოლხა“ და ანსამბლმა “ეპოქა”, ასევე, ცნობილმა ქართველმა მომღერლებმა ნინი ბადურაშვილმა, ნოდიკო ტატიშვილმა, დათუნა მგელაძემ და სალომე ბაკურაძემ.
ხელვაჩაურის მუნიციპალიტეტი წელს განსაკუთრებით ლამაზად არის მორთული განათებებს შორის არის, საახალწლო ილუმინაციები, რომელიც პრემიერის გადაწყვეტილებით იქნა შეძენილი და მუნიციპალიტეტს საჩუქრად გადაეცა.
მუნიციპალიტეტში საახალწლო ღონისძიებები 20 დეკემბრიდან 14 იანვრის ჩათვლით გაიმართება.
სადღესასწაულო ღონისძიება გრანდიოზული ფეიერვერკით დასრულდა.