დიდუბის რაიონის გამგეობამ დიღმის მასივის მეოთხე კვარტლის 26-ე კორპუსში ბმას პროექტების ფარგლებში სხვადასხვა ინფრასტრუქტურული პროექტი განახორციელა. რეაბილიტაცია ჩაუტარდა კორპუსის 2 ლიფტს, ასევე, შეიცვალა დაზიანებული სახურავი და მიწისქვეშა კომუნიკაციები. სამუშაოების ღირებულებამ 99 058 ლარი შეადგინა. დასრულებულ სამუშაოებს დიდუბის რაიონის გამგებელი ვლადიმერ ძნელაძე თბილისის საკრებულოს მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.
