დიდუბის რაიონის გამგეობა სხვადასხვა ინფრასტრუქტურულ პროექტთან ერთად, სტიქიის შედეგად დაზიანებული ინფრასტრუქტურის აღდგენასაც აქტიურად ახორციელებს. ამ ეტაპზე, გიორგი ტერევერკოს ქუჩის პირველი შესახვევის N8 ა-ში მდებარე ხანძრის შედეგად დაზიანებული საცხოვრებელი კორპუსის სახურავის აღდგენითი სამუშაოები დასრულდა.
სამუშაოების ფარგლებში სრულად შეიცვალა დაზიანებული სახურავი და დამონტაჟდა წყალსაწრეტი მილები. სამუშაოების ღირებულებამ 20 792 ლარი შეადგინა. დასრულებულ სამუშაოებს დიდუბის რაიონის გამგებელი ვლადიმერ ძნელაძე გაეცნო და ადგილობრივ მოსახლეობას შეხვდა.