“ახალი აბრეშუმის გზა” – ეს პროექტი ედუარ შევარდნაძის ინიციავტივით შეიქმნა და ჰეიდარ ალიევის აქტიურობით ჩვენი ქვეყნებისთვის გეოპოლიტიკური შინაარსის განმსაზღვრელი გახდა!”- წერს სოციალურ ქსელში “სტრატეგიული დაგეგმარების ცენტრის” ხელმძღვანელი ლევან მამალაძე, რომელიც ეხმიანება თბილისში გამართულ “აბრეშუმის გზის ფორუმს”.
“ამ პროექტის მნიშვნელობა იმდენად დიდი აღმოჩნდა, რომ ნავთობისა და გაზსადენების საერთაშორისო პროექტებს ახალი მიმართულებები ემატება, აღმოსავლეთ – დასავლეთის დამაკავშირებელი სატრანსპორტო კორიდორი, შავ ზღვაზე პორტების მშენებლობა, კავკასიისა და ევროპის დამაკავშირებელი მაღალი ძაბვის ელექტროკაბელისა და მსხვილბოჭკოვანი ინტერნეტის გაყვანა და სხვა.
საქართველოს პრემიერმა ირაკლი ღარიბაშვილიმა და აზერბაიჯანის პრეზიდენტმა ილჰამ ალიევმა ახალი აბრეშუმის გზის პროექტი გააფართოვეს, რაც არამარტო მეზობლების, არამედ ძლიერი და წამყვანი ქვეყნების ინტერესებში მოაქციეს, რასაც თბილისის საერთაშორისო კონფერენცია ადასტურებს!”– წერს ლევან მამალაძე.
