აგრარული ფორუმის ფარგლებში მოეწყო აჭარის აგრარული შესაძლებლობებისა და საექსპორტო პოტენციალის შესახებ პრეზენტაციები და ორმხრივი (B2B) შეხვედრები დაინტერესებულ მხარეებს შორის.
ფორუმი მიზნად ისახავს აჭარის ავტონომიური რესპუბლიკის სოფლის მეურნეობის სექტორის საექსპორტო პოტენციალის წარმოჩენას, რეგიონის აგრარული, სოფლად მეწარმეობისა და სოფლად ტურიზმის განვითარების შესაძლებლობების ცნობადობის ამაღლებას, აგრო-სამეწარმეო დაფინანსების კუთხით შემუშავდა პროგრამა, რომელიც მიზნად ისახავს ახალი ინიციატივების მხარდაჭერას და უკვე 40-ზე მეტი პროექტი დაფინანსდა ამ პროგრამის ფარგლებში“.
ფორუმში მონაწილეობდა სოფლის მეურნეობის სექტორში მოქმედი 50-ზე მეტი კომპანია, ასევე დარგობრივი ასოციაციები და საოჯახო ფერმერული მეურნეობები. სტუმრებს შესაძლებლობა აქვთ მონაწილეობა მიიღონ რეგიონის აგრო – სასურსათო პროდუქციისა და ტექნოლოგიების მე-11 საერთაშორისო გამოფენაში „AGRO BATUMI 2023“.
ფორუმს, აჭარის მთავრობის თავმჯდომარე თორნიკე რიჟვაძე, ხელვაჩაურის მუნიციპალიტეტის მერი ზაზა დიასამიძე, აჭარის უმაღლესი საბჭოს თავმჯდომარე დავით გაბაიძე, საქართველოს გარემოს დაცვისა და სოფლის მეურნეობის მინისტრის მოადგილე იური ნოზაძე და აჭარის სოფლის მეურნეობის მინისტრი ზაზა შავაძე, აჭარის ფინანსთა და ეკონომიკის მინისტრი ჯაბა ფუტკარაძე აღმასრულებელი და საკანონმდებლო ხელისუფლების წარმომადგენლებთან ერთად ესწრებოდნენ.