დიდუბის რაიონის გამგეობა ავტოფარეხების დემონტაჟს განაგრძობს. ამ ეტაპზე, დიღმის მასივის მეხუთე კვარტლის მე-11 კორპუსის მიმდებარედ 16 ავტოფარეხის დემონტაჟი იგეგმება, რის შემდგომაც ტერიტორიაზე მოსახლეობასთან შეთანხმებული პროექტის მიხედვით ინფრასტრუქტურული პროექტი განხორციელდება.
ავტოფარეხების დემონტაჟის პროცესს დიდუბის რაიონის გამგებელი ვლადიმერ ძნელაძე, პარლამენტის დეპუტატ ირმა ზავრადაშვილთან ერთად გაეცნო.