IMG.GE IMG.GE ___________________________________ IMG.GE

დამარცხების შიში გვაქვს და რაც უფრო გვიან დამარცხდებიან უკეთესიაო? არალოგიკურია, არ მინდა სიტყვა სისულელე გამოვიყენო, – ამის შესახებ პარლამენტის პირველმა ვიცე-სპიკერმა გია ვოლსკიმ, განაცხადა, რითაც გამოეხმაურა ოპოზიციის ბრალდებებს, თითქოს მმართველ გუნდს დამარცხების შიშის გამო, 2020 წლის საპარლამენტო არჩევნების გადატანა სურს.

არჩევნების ვადის გადაწევა შეიძლება მხოლოდ იმ სიტუაციაში, როცა საგანგებო ვითარებაა. საგანგებო ვითარება თუ შეიქმნა სახელმწიფოში, ამას მარტო “ქართული ოცნების” პარტიული “ლიდერშიპი” კი არ დაადასტურებს, ეს იქნება საქვეყნოდ აღიარებული თემა, მათ შორის, ჩვენი ოპონენტების მიერ. ცდილობენ ეს რეალობა გამოიყენონ პოლიტიკური განცხადებებისთვის და ამბობენ, თითქოს “ქართულ ოცნებას” არჩევნების დეკემბერში ჩატარება აწყობს. საზოგადოება სასიკვდილო საფრთხის წინაშე არ უნდა დადგეს, ეს თვითონაც კარგად იციან. არც მალავენ, ამბობენ ამას, მაგრამ ჟურნალისტების საყურადღებოდ ამატებენ, თითქოს “ქართულ ოცნებას” უნდა გადაწევა. დამარცხების შიში გვაქვს და რაც უფრო გვიან დამარცხდებიან უკეთესიაო? არალოგიკურია, არ მინდა სიტყვა სისულელე გამოვიყენო,” – განაცხადა გია ვოლსკიმ.

კომენტარის დატოვება
IMG.GE
გაზიარება