მოსახლეობასთან შეხვედრების ფარგლებში, ხელვაჩაურის მუნიციპალიტეტში მორიგი შეხვედრა გაიმართა.
ხელვაჩაურის მუნიციპალიტეტის მერის მოადგილე მირიან კვირიტიძე, სოფლის მეურნეობის მინისტრის მოადგილესთან, ირმა აფხაზავასთან ერთად, თხილნარის ადმინისტრაციული ერთეულის მოსახლეობას შეხვდა.
შეხვედრას ესწრებოდნენ საკრებულოს წევრები და ადმინისტრაციული ერთეულის წარმომადგენლები.
მოსახლეობასთან შეხვედრები, აქტიური კომუნიკაციის ფარგლებში იმართება და მისი მიზანია სოფლად მცხოვრები მოსახლეობისთვის მიმდინარე და დაგეგმილი პროგრამების შესახებ ინფორმაციის მიწოდება, სოფელში არსებული გამოწვევების ადგილზე გაცნობა და ადგილობრივებთან ერთად, მათი მოგვარების გზებზე ერთობლივი მსჯელობა.
ამ ტიპის შეხვედრები კვლავ გაგრძელდება, რომელშიც ადგილობრივ თვითმმართველობასთან ერთად აჭარის ა.რ სამინისტროების წარმომადგენლები იქნებიან ჩართულები.