ხელვაჩაურის მუნიციპალიტეტის “საცხოვრებელი სახლების დაზიანებული სახურავების გამოვლენის, აღრიცხვისა და თუნუქით უზრუნველყოფის პროგრამის’’ ფარგლებში, სოციალურად დაუცველ ოჯახებზე სახურავის მასალის გაცემა დაიწყო.
პროგრამის მიხედვით სახურავის მასალა გაიცემა 0 -140 000 სარეიტინგო ქულის მქონე სოციალურად დაუცველი სტატუსის მქონე მოქალაქეებზე, რომელთაც საცხოვრებელი სახლი 2010 წლამდე აქვთ აშენებული.
პირველ ეტაპზე პროგრამით მოთხოვნილი კრიტერიუმების მიხედვით და კომისიის გადაწყვეტილებით 117 საჭიროების მქონე, სოციალურად დაუცველი მოქალაქე, თუნუქის სახურავით დაკმაყოფილდება.
223 868 ლარის ღირებულების, 15 732 კვადრატი, თუნუქის ფურცლის (შეღებილი ნაგლინის ფურცლის) გაცემა ეტაპობრივად მიმდინარეობს.