ჩვენთვის განსაკუთრებით მნიშვნელოვანია დღეს ჩინეთთან ეკონომიკური ურთიერთობების გაძლიერება, – ამის შესახებ„ჯეოქეისის“ ეკონომიკური მიმართულების დირექტორმა, გიორგი აბაშიშვილმა განაცხადა.
მისის თქმით, საქართველოს სწორედ ახლა აქვს ისტორიული შანსი, გადამწყვეტი როლი ითამაშოს ევროპასა და აზიას შორის დამაკავშირებელი ხიდის ფუნქციიდან გამომდინარე.
„სწორედ დღეს გვაქვს შესაძლებლობა ჩვენ ვიყოთ ევროკავშირის ეკონომიკური და ენერგეტიკული უსაფრთხოების გარანტი და ამ მოცემულობაში ჩინეთთან საქართველოს ურთიერთობას განსაკუთრებული მნიშვნელობა ენიჭება. ის, რაც წლების განმავლობაში ვერ ხერხდებოდა, სწორედ ახლა დადგა ეს მოცემულობა, სწორედ ამ ისტორიული ვიზიტიდან გამომდინარე“, – განაცხადა გიორგი აბაშიშვილმა.