Skip to content
06/06/2025
  • კონტაქტი
  • ჩვენ შესახებ
MARSHALPRESS

MARSHALPRESS

ახალი ამბების სააგენტო

advert
Primary Menu
  • პოლიტიკა
  • საზოგადოება
  • მედია
  • სამართალი
  • შემთხვევა
  • უცხოეთი
  • რეგიონები
  • ინფრასტრუქტურა
  • ბოლო სიახლე
  • პოლიტიკა

ირაკლი ოქრუაშვილის მოწოდებებში მკაფიოდ იკითხება: “გული არ დაგწყდეთ, ვინც ვერ მოდიხართ, ბრძოლა საქართველოშიც მოგვიწევს”

მარშალ პრესი 30/03/2022
ირაკლი ოქრუაშვილი

ამ “საგზაო რუკის” მიხედვით უფრო მეტი არგუმენტი დავინახე, თუ რატომ არ უნდა ჩახვიდე უკრაინაში, ვიდრე – პირიქით. ერთადერთი, რაც ირაკლი ოქრუაშვილის მოწოდებებში მკაფიოდ იკითხება: “გული არ დაგწყდეთ, ვინც ვერ მოდიხართ, ბრძოლა საქართველოშიც მოგვიწევს”. ეს კი უკვე საინტერესოც და საყურადღებოც არის.” ასე ეხმიანება ექსპერტი დავით ქართველიშვილი ირაკლი ოქრუაშვილის Facebook სტატუს, სადაც უკრაინაში საბრძოლველად წასვლის მსურველებს გამოცდილებას უზიარებს.

,დღეს უკრაინაში მყოფმა საქართველოს ყოფილმა თავდაცვის მინისტრმა ირაკლი ოქრუაშვილმა, საომარ მოქმედებებში მონაწილეობის სურვილის მქონე მოხალისეებისთვის ერთგვარი “საგზაო რუკა” გამოაქვეყნა, რაც კარგია იმ თვალსაზრისით, რომ საქართველოს მოქალაქეებმა მიიღონ განახლებული ინფორმაცია უკრაინის საერთაშორისო ლეგიონში ჩარიცხვის ახალი წესების თაობაზე.

თუმცა, ოქრუაშვილისეულ განმარტებებში ამ სურვილის ჩახშობისაკენ მიმართული უფრო მეტი დეტალი აღმოვაჩინე, ვიდრე სამოტივაციო სტიმულირება. სავალდებულო ხდება რუსული ან ინგლისური ენის ცოდნა. ახალგაზრდა თაობაში რუსული დღეს თითქმის არავინ არ იცის, ხოლო ინგლისურენოვანთა 90% მაინც – მილიტარისტულ/პერფორმანსულად განწყობილი პაციფისტია. თანამემამულე მეომრებთან მოხვედრაც პრობლემატური ხდება – ამას უკრაინული მხარე თავისი შეხედულებისამებრ წყვეტს. გარდა ამისა, ადგილზე ჩასულებს, ვისაც რამე არ მოეწონება და ამის გამო კონტრაქტის დარღვევას დააპირებს – სერიოზული პრობლემები შეექმნება.

მოკლედ, ამ “საგზაო რუკის” მიხედვით უფრო მეტი არგუმენტი დავინახე, თუ რატომ არ უნდა ჩახვიდე უკრაინაში, ვიდრე – პირიქით. ერთადერთი, რაც ირაკლი ოქრუაშვილის მოწოდებებში მკაფიოდ იკითხება: “გული არ დაგწყდეთ, ვინც ვერ მოდიხართ, ბრძოლა საქართველოშიც მოგვიწევს”. ეს კი უკვე საინტერესოც და საყურადღებოც არის. ვის წინააღმდეგ საბრძოლველად აგულიანებს ექს-მინისტრი ადგილობრივ მომხრეებს? რუსეთთან? მოქმედ ხელისუფლებასთან? სოხუმსა და ცხინვალთან? ამ სამივე მიმართულებით – საომარი მოქმედებების პროვოცირებას ადგილი უკვე ჰქონდა ქართველი და უკრაინელი “ომის პარტიის” წევრების მხრიდან. ხოლო ექს-მინისტრის მოწოდებაში – ამ სამში, რომელია “უფრო გრძელი” – ამას ვკითხულობ მხოლოდ…” წერს ქართველიშვილი Facebook-ზე.

Continue Reading

Previous: ის შლეგი ციხიდან იმუქრება ჩამოგახრჩობთო, ახლა ნანუკა პირდაპირ ემუქრება ირაკლი კობახიძეს. სანამ მართლა რამე უბედურება არ დაატრიალეს, პასუხი არ უნდა მოეთხოვოს?
Next: ვოლოდიმირ ზელენსკიმ საქართველოდან ელჩი უკვე ოფიციალურად გაიწვია (ვიდეო)

ჩვენ ფეისბუქზე

  • კონტაქტი
  • ჩვენ შესახებ
  • კონტაქტი
  • ჩვენ შესახებ
ყველა უფლება დაცულია © საინფორმაციო სააგენტო მარშალპრესი | 2015-2025