საქალაქო სასამართლომ ,,ქურდული სამყაროს“ საქმიანობის მხარდაჭერისთვის სამ დაკავებულს აღკვეთის ღონისძიებად პატიმრობა შეუფარდა.
დაცვის მხარე გირაოს სანაცვლოდ დაკავებულების განთავისუფლებას ითხოვდა, თუმცა მოსამართლემ პროკურატურის მოთხოვნა დააკმაყოფილა.
გამოძიების ცნობით, ,,ქურდული სამყაროს“ წევრები, ,,ქურდული სამყაროს“ საქმიანობის მხარდამჭერების აქტიური ჩართულობით გარჩევებს აწყობდნენ, მოქალაქეებს შორის არსებულ ქონებრივ დავებს იხილავდნენ, მხარეების ქმედებებს აფასებდნენ და მატერიალური სარგებლის გადაცემას ითხოვდნენ. დანაშაული 7 წლამდე პატიმრობას ითვალისწინებს.