ყოფილი სახალხო დამცველი ნინო ლომჯარია ახალ თანამდებობაზე დაინიშნა, კერძოდ, საქართველოს უნივერსიტეტის სამართლის სკოლის ადამიანის უფლებების ცენტრის ხელმძღვანელად.
ამის შესახებ ინფორმაცია ნინო ლომჯარიამ ფეისბუქზე გაავრცელა:
“ჩემთვის პატივია, რომ საქართველოს უნივერსიტეტის სამართლის სკოლაში ადამიანის უფლებების ცენტრს ვუხელმძღვანელებ.
მიხარია, რომ 5 წლიანი პაუზის შემდგომ აკადემიურ სფეროში ისევ მექნება საქმიანობის გაგრძელების და სტუდენტებთან ურთიერთობის შესაძლებლობა, თან ასეთ არაჩვეულებრივ გუნდთან ერთად
გვაქვს ამბიციური გეგმები, გავაძლიეროთ ადამიანის უფლებების სწავლება როგორც თეორიული, ასევე, პრაქტიკული მიმართულებით; ადამიანის უფლებების საკითხებით დაინტერესებულ სტუდენტებს ბევრ სიახლეს ვპირდებით, ხოლო მათ, ვინც ჯერ არ დაინტერესებულა, აუცილებლად დავაინტერესებთ”- ამბობს ნინო ლომჯარია.