ხელვაჩაურის მუნიციპალიტეტში აქტიურად მიმდინარეობს უხვი ნალექის შედეგად მოყენებული ზიანის აღდგენითი სამუშაოები.
სოფლებში ძლიერი ქარის და წვიმის გამო, მოიგლიჯა ხეები, რანდენიმე ლოკაციაზე განვითარდა მეწყრული პროცესები და სანიაღვრე არხებში ნატანის დაგროვების გამო გადმოვიდა წყალი.
უამინდობისგან გამოწვეული პრობლემის აღმოსაფხვრელად ყველა აუცილებელი ღონისძიება ტარდება. ადგილზე მობილიზებულია შესაბამისი შამსახურები ადამიანური და ტექნიკური რესურსით.
ასევე, მიმდინარეობს კოორდინირებული მუშაობა შესაბამის უწყებებთან არსებული პრობლემების დროულად აღმოსაფხვრელად.
ამ დროსითვის მოძრაობა ყველა მიმართულებით აღდგენილია, მერიის ყველა სამსახური მობილიზებულია და 24 საათიან რეჟიმში მუშაობას განაგრძობს.