განახლდა სააკაშვილის ჯანმრთელობასთან დაკავშირებით დაფინანსებული სტატიების გამოქვეყნება უცხოურ მედიაში. დღეს დილიდან ამ თემას აქტიურად აშუქებს კეზერაშვილის “ფორმულა”.
როგორც საზოგადოებამ იცის, უცხოურ გამოცემებში სტატიების გამოქვეყნების მიზნით გიული ალასანიამ ლობისტური კომპანია დაიქირავა, რომელმაც თავის მხრივ წამყვან გამოცემებში გამოაქვეყნა ცნობები, თითქოს სააკაშვილს აწამებდნენ, კლავდნენ და ა.შ.
მედიაკამპანია დროებით შეჩერებული იყო, თუმცა მას შემდეგ, რაც სააკაშვილი 5 თვიანი პაუზის შემდეგ პოლიტიკაშიც მობრუნდა და ეკრანზეც გამოჩნდა, მომენტალურად ამუშავდა კამპანია მისი უკიდურესად მძიმე მდგომარეობის შესახებ და მეტი დამაჯერებლობისთვის ის რამდენიმე უცხოურ და შეძლებისდაგვარად სანდო გამოცემაში გამოქვეყნდა.
