“ჩემთვის ძალიან მნიშვნელოვანია, რომ ოდესმე და ძალიან მალე, მიშამ აუცილებლად აგვიხსნას ჩამოსვლის ამბავიც, გადაწყვეტილების ამბავიც”- განაცხადა ნიკა გვარამიამ 1-ლ ივლისს, “ფორმულის” ეთერში, გადაცემა “დაკარგულ დროში” სტუმრობისას.
გვარამიას თქმით, მას და სააკაშვილს ამაზე უკვე ნასაუბრები აქვთ, თუმცა ის ამის შესახებ არ ისაუბრებს
“ჩვენ ამაზე ნასაუბრები გვაქვს, პერსონალიების დონეზეც, მაგრამ ამას ჩემგან ვერასდროს, ვერავინ ვერ გაიგებს. ჩვენ ჩვენი ურთიერთობა გვაქვს, ჩვენი სანდოობა გვაქვს ერთმანეთში, სულ არ მაინტერესებს ვინ რას იტყვის მიშა სააკაშვილზე, ის ჩემთვის არის ემოციურად ძვირფასი ადამიანი, ის არის ჩემი მეგობარი და მორალური პასუხისმგებლობა მაქვს, რომ ეს ადამიანი გადარჩეს”- განაცხადა ნიკა გვარამიამ.