ხელვაჩაურის მუნიციპალიტეტში, მაჭახელას ეროვნულ პარკში, საქართველოს პარლამენტის გარემოს დაცვისა და ბუნებრივი რესურსების კომიტეტის გასვლითი სხდომის ფარგლებში, კომიტეტის წევრები იმყოფებოდნენ.
️პარკის ადმინისტრაციის წარმომადგენლებმა მაჭახელას დაცული ლანდშაფტის შესახებ პრეზენტაცია გამართეს. სტუმრებმა ახალი საგამოფენო სივრცე დაათვალიერეს, სადაც ადგილობრივი ფლორისა და ფაუნის მრავალფეროვანი სახეობების ნიმუშებია გამოფენილი. მოინახულეს თოფი „მაჭახელას“ მონუმენტი და ისტორიულ-ეთნოგრაფიული მუზეუმი სოფელ ჩხუტუნეთში, ასევე დაათვალიერეს ახალი ტურისტული ინფრასტრუქტურა.
️ხეობაში ალტერნატიული ენერგიის ბიომასის და მზის გამოყენების მაგალითებს გაეცნენ, დაათვალიერეს მზის ენერგიაზე მომუშავე წყლის გამაცხელებლები, ელექტროღობეები და სარეინჯერო ინფრასტრუქტურა.
️საკანონმდებლო და აღმასრულებელი ხელისუფლების წევრები “ეთნო სოფლის“ მასშტაბური პროექტის ფარგლებში მიმდინარე სამუშაოებსაც გაეცნენ, ეროვნული პარკის ვიზიტორთა ცენტრი, საგამოფენო სივრცე და ეთნოგრაფიული მუზეუმი დაათვალიერეს.
️სტუმრებს ხელვაჩაურის მუნიციპალიტეტის მერი ზაზა დიასამიძე, საკრებულოს თავმჯდომარე თენგიზ ირემაძე, აჭარის უმაღლესი საბჭოს თავმჯდომარე დავით გაბაიძე და აჭარის სოფლის მეურნეობის მინისტრი ზაზა შავაძე მასპინძლობდნენ