დიდუბის რაიონის გამგეობის ორგანიზებით, რაიონში მდებარე სკოლების მედალოსანი მოსწავლეების დაჯილდოების ცერემონია გაიმართა.
წელს დიდუბის რაიონს 15 სკოლის ოქროს და ვერცხლის 204 მედალოსანი ჰყავს. მედალოსებს სკოლის წარჩინებით დასრულება მიულოცეს და მადლობის სიგელები და სიმბოლური საჩუქრები გადასცეს. საჩუქრები ასევე გადაეცათ სკოლების დირექტორებსა და კლასის დამრიგებლებს.
დაჯილდოების ცერემონიაში მონაწილეობა მიიღეს დიდუბის რაიონის გამგებელმა ვლადიმერ ძნელაძემ, საქართველოს პარლამენტის დიდუბის მაჟორიტარმა დეპუტატმა გიორგი ვოლსკიმ, პარლამენტის დეპუტატმა ირმა ზავრადაშვილმა, ასევე, პარლამენტის სპორტისა და ახალგაზრდულ საქმეთა კომიტეტის თავმჯდომარე ირაკლი მეძმარიაშვილმა. ღონისძიებას
მოსწავლეები, მშობლები, პედაგოგები და სკოლის დირექტორები ესწრებოდნენ.
მედალოსნების დაჯილდოების ცერემონია მუსიკალურად გააფორმეს ქართული ესტრადის მომღერლებმა. საღამო ბენდის „Spam Jam” კონცერტით დასრულდა.